बाजुरा। बाजुराको मतगणना आज दिउँसो साढे ३ बजेबाट सुरु हुँने भएको छ। मुख्य निर्वाचन अधिकृतको कार्यलय बाजुराले बोलाएको सर्वदलिय बैठकले साढे ३ बजेबाट मतगणना गर्ने सहमति गरेको जनाइएको हो। जिल्ला निर्वाचन कार्यालय बाजुराका प्रमुख नवराज अवस्थीले निर्वाचन आयोगले बाजुरामा रोकिएको मतगणना गर्ने बुधबार निणर्य गरेको थियो।
तर बैठकमा एमालेले उपस्थीती नजनाएपछि गणना सुरु हुन नसकेको बताए । आयोगको मतगणना गर्ने निर्णय गरेसँगै मुख्य निर्वाचन अधिकृतको कार्यालयले बाजुरामा तेस्रो पटक सर्वदलिय बैठक बोलाएको थियो। तेस्रो पटक नेकपा एमालेसहित सहभागि भएपछि मतगणना गर्ने सहमति भएको हो। यस अघि बुधवार बेलुका, बिहिवार बिहान ७ बजे र बिहान ११ बजे बैठक बसेको मुख्य निर्वाचन अधिकृतको कार्यालय बाजुराले जनाएको छ।
