बैतडी। बैतडीको डिलाशैनीमा रुखबाट लडेर एक महिला घाइते भएकी छन् । प्रहरीले बैतडीको डिलाशैनी गाउँपालिका वडा ६ चौंसेरा बस्ने २५ बर्षीया गौमती माल स्याउला काट्ने क्रममा बगौनाको रुखबाट लडेर घाइते भएकी जनाएको छ ।
घर नजिकै रहेको बगौनाको रुखमा गाईवस्तुका लागि स्याउला काट्ने क्रममा लडेकी थिइन् । घाइते भएकी मालको पेट, छाती र ढाडमा चोट लागेको र उनको उपचार गोकुलेश्वर अस्पतालमा भइरहेको जिल्ला प्रहरी कार्यालयले जनाएको छ ।
