डोटी। डोटीको जोरायल गाउँपालिका २ मा भिरबाट लडेर एक महिलाको मृत्यु भएको छ। जोरायल गाउँपालिका वडा नम्बर २ बिछिल बस्ने प्रेम सिह धामीकी धर्मपत्नी कृष्णा धामीको आज बिहान १० बजे घाँस काट्ने क्रममा भिरबाट लडेर एक महिलाको मृत्यु भएको जिल्ला प्रहरी कार्यालय डोटीले जनाएको छ।
जिल्ला प्रहरी कार्यालय डोटीका अनुसार जोरायल गाउँपालिका वडा नम्बर २ बिछिलस्थीत मनकामना सामुदायीक बनमा घाँस काट्ने क्रममा ३८ बर्षीया धामीको करिब ३०० मिटर भीरबाट लडेर मृत्यु भएको हो। शवलाई पोष्ट मार्पमका लागी अस्पतालमा लगिएको डोटी प्रहरीले बताएको छ।
