बाजुरा। बाजुरामा आगोमा जलेर ५ महिने शिशुको मृत्यु भएको छ। बाजुराको बुढिन्नदा नगरपालिका ९ अगाउपानीमा ५ महिनाको शिशुको आगोले जलेर मृत्यु भएको प्रहरीले जनाएको छ।
आइतबार बिहान ८:३० बजेको समयमा ज्ञानेन्द्र धामीको घरमा चुल्होमा बालिराखेको आगोबाट नजिकै रहेका लत्ता कपडामा आगो सल्केर बच्चा भएको ठाउँमा गइ जलेर बच्चाको मृत्यु भएको हो। जिल्ला प्रहरी कार्यालय बाजुराका अनुसार चुल्होको नजिकै सुताईराखेको बालकको जलेर मृत्यु भएको र विस्तृत बिबरण आउन बाकी रहेको प्रहरी प्रमुख सुर्य थापाले जानकारी दिए ।
