बैतडी। भारतीय क्षेत्रबाट एक नेपाली नागरिकले महाकाली नदीमा हाम फालेर बेपत्ता भएका छन्। नेपालसँग जोडिएको भारतीय बजार झुलाघाट नजिकैबाट महाकाली नदीमा हाम फालेर एक नेपाली बेपत्ता भएका हुन्। शनिबार दिउँसो नदीमा हाम फालेका अन्दाजी ३० वर्षीय उनको परिचय भने खुलेको छैन्।
भारतीय पत्रकार प्रमोद भट्टका अनुसार उनी बैतडीका बासिन्दा हुन्। भारतीय बजार झुलाघाटस्थित लाटेश्वर मन्दिर नजिकैबाट ती व्यक्तिले हामल फालेको बताइएको छ। उनले कालो जकेट लगाएका थिए। उनको खोजी कार्य भइरहेको भारतीय प्रहरीले बताएको छ।
