धनगढी : बझाङमा जीप दुर्घटना हुँदा चार जनाको घटनास्थलमै मृत्यु भएको छ । जिल्लाको मष्टा गाउँपालिका–४ को चिउरीमा बुधबार दिउँसो डुङ्ग्रीबाट मष्टातर्फ गइरहेको जीप दुर्घटना हुँदा चार जनाको घटनास्थलमा मृत्यु भएको प्रहरीले पुष्टि गरेको छ ।
भर्खरै घटनास्थलमा आइपुगेको बताउँदै बझाङका प्रमुख प्रहरी नायब उपरीक्षक जागेश्वर भण्डारीले चार जनाको शव निकालेको बताए । घाइतेहरुलाई अस्पताल पठाइरहेको र विस्तृत विवरण अहिले दिन सक्ने अवस्था नरहेको उनले बताए । डीएसपी भण्डारीकाअनुसार जीप टुक्राटुक्रा भएका कारण नम्बर प्लेट समेत भेटिएको छैन । अहिले घाइतेहरुको उद्दार गर्ने क्रम जारी छ ।
