बैतडी। बैतडीमा जिप दुर्घटना हुँदा चालक घाइते भएका छन् । बिहीबार बिहान बैतडीको दशरथचन्द नगरपालिका–११ नागार्जुन सडक खण्डको बर्तोलीबाट त्रिपुरा आउँदै गरेको सु.प.प्र.०४–००१ ज ००१३ न.को जिप दुर्घटनामा परेको हो। दुर्घटनामा परि जिप चालक सुर्नया गाउँपालिका ३ का ३४बर्षिय पृथ्वी भट्ट घाईते भएका जिल्ला प्रहरी कार्यालय बैतडीका प्रहरी निरीक्षक प्रहरी प्रवक्ता लोक राज जोशीले बताए ।दुर्घटनामा परेको जिपमा यात्रु रहेका थिएनन् ।
उनका अनुसार जिपमा चालक मात्र सवार थिए। उनको टाउकोमा चोट लागेको र जिल्ला अस्पतालमा उपचार पछि थप उपचारका लागि डडेल्धुरा अस्पताल पठाइएको जिल्ला प्रहरी कार्याललय बैतडीले जनाएको छ। नागार्जुनको बर्तोलीबाट जिप सदरमुकामको त्रिपुरा आउँदै गरेको बेला दुर्घटना भएको छ। कच्ची सडकमा जिप अनियन्त्रित भई सडकबाट करिब ३० मिटर तल खसेको छ। घटनास्थलमा स्थानीय प्रहरी चौकी नागार्जुनबाट प्रहरी वरिष्ठ हवलदार तेजबहादुर चन्दको कमाण्डमा खटिएको प्रहरी टोलीले घाइते चालकलाई उद्धार गरेको प्रहरीले जनाएको छ।
