बाजुरा। बाजुराको कोल्टीबाट एक गर्भवती महिलाको हवाई उद्धार गरिएको छ । बाजुराको हिमाली गाउँपालिका वडा न ४ की ३६ बषिया साउनि भण्डारीको हवाई उद्धार गरिएको जिल्ला प्रशासन कार्यालय बाजुराले जनाएको छ ।
सुत्केरी ब्यथा लागेपछी कोल्टी प्राथमिक स्वास्थ्य केन्द्रमा आएकी महिलाको स्वास्थ्य अबस्था जटिल भएका कारण उनको हवाई उद्धार गरिएको हो । जिल्ला प्रशासन कार्यालय बाजुराको समन्वयमा हवाई उद्धार गरिएको सहायक प्रमुख जिल्ला अधिकारी लोकेन्द्र बहादुर बिष्टले बताए । राष्ट्रपती महिला उथ्थान कार्यक्रम अन्तरगत उनको थप उपचारका लागि कोल्टी बिमान स्थलबाट नेपालगंज लगिएको जनाइएको छ।
