धनगढी। धनगढी शिवनगरमा रहेको चैतन्य पाठशालामा तेकोन्दो डोजाङको उदघाटन गरिएको छ । एक कार्यक्रमका बिच चैतन्य पाठशालामा तेकोन्दो डोजाङको उदघाटन तथा प्रथम ग्रेडिङ्ग कार्यक्रम गरिएको हो। तेक्वान्दो खेललाई प्राथमिकतामा राखेको विद्यालयले बालबालिकाहरूका लागि टेकोण्डो खेल प्रशिक्षण केन्द्र सुचारु गरेको चैतन्य पाठशालाले जनाएको छ।
उदघाटन कार्यक्रममा सुदुरपश्चिम तेकोब्दो खेलका संस्थापक गोविन्द विष्ट, टेकोन्डो प्रशिक्षक सर बहादुर सिंह, सुदुरपश्चिम प्रदेश टेकोन्दो संघका सचिव राम चौधरी,कैलाली जिल्ला टेकोंदो कार्यसमिति सहसचिव धन बहादुर चौधरी, कैलाली जिल्ला टेकोन्दो कार्यसमिति सदस्य पारस पाल ,जनहित टेकोनदो डोजाङ प्रमुख योगेन्द्र खोलौलाको उपस्थिती रहेको थियो । विद्यालयका ३५ जना खेलाडी प्रथम ग्रेडिङ्ग उत्तीर्ण भएका थिए।
