बाजुरा। बाजुरामा जुवा खेलिरहेको अवस्थामा ५ जना जुवाडे पक्राउ परेका छन् । बाजुराको बडिमालिका नगरपालिका वडा नं १ मा जुवा खेलिरहेको अवस्थामा प्रहरीले ५ जना जुवाडेलाई पक्राउ गरेको हो। शुक्रबार उनीहरुबाट १६ हजार १ सय २० रुपैँया नगदसहित प्रहरीले बरामद गरेको छ ।
पक्राउ पर्नेहरु वडा नं १ का रहेको प्रहरीले जनाएको छ। तर, उनीहरुको पहिचान भने खुलेको छैन। उनीहरु बडिमालिका वडा नं १ सल्लेना बस्ने बुद्धबहादुर कार्कीले सञ्चालन गरेको पसलमा तास खेलिरहेको गोप्य सूचनाका आधारमा पक्राउ परेका थिए। उनिहरुलाइ पक्राउ गरी थप अनुसन्धान भैरहेको जिल्ला प्रहरी कार्यालय बाजुराले जनाएको छ।
