बाजुरा। बाजुरामा चितुवा मृत अवस्थामा फेला परेको छ। बाजुराको खप्तडछेडेदह गाउँपालिका–१ को रानि सामुदायिक वनमा चितुवा मृत अवस्थामा फेला परेको हो। चितुवा मृत अवस्थामा फेला परेपछि खप्तड छेडेदह गाउँकार्यपालिका सदस्य सृजना विकले टेलिफोन मार्फत प्रहरीलाई जानकारी दिएको जिल्ला प्रहरी कार्यालय बाजुराले जनाएको छ।
मृत अवस्थामा फेला परेको चितुवाको लम्बाई ६ फिट २ इन्च र चौडाई ४ इन्च रहेको समेत प्रहरीले जानकारी दिएको छ। गाउँकार्यपालिका सदस्यले दिएको जानकारी पश्चात जिल्ला प्रहरी कार्यालय बाजुराको टोली गएर खप्तड राष्ट्रिय निकुञ्जसंग समन्वय गरि निकुञ्जबाट आएको टोलीलाई बुझाएको प्रहरीले जनाएको छ ।
