डडेल्धुरा। डडेल्धुरा अमरगढीका एक किशोर मृत फेला परेका छन्। डडेल्धुरा सदरमुकामबाट ३ दिनअघि बेपत्ता भएका अमरगढी ५ स्थित सिलिङधारा घर भएका अन्दाजी १७ वर्षीय किरण पाठक मृत फेला परेका छन्।
उनी अमरगढीकै मौरडा गाउँ तल रहेको डोटी खोलामा मृत अवस्थामा फेला परेको जिल्ला प्रहरी कार्यालयका प्रहरी निरीक्षक उमाकान्त जोशीले बताए। पाठकको शव खोलामा डुबेको अवस्थामा भेटिएको उनले बताए। उनका अनुसार पाठक शनिबारदेखि बेपत्ता थिए। प्रहरी टोली घटनास्थल पुगेको र घटनाको अनुसन्धान भइरहेको जिल्ला प्रहरी कार्यालय डडेल्धुराले जनाएको छ।
