बैतडी। बैतडीमा एक जना युवक मृत फेला परेका छन्। शुक्रबार जिल्लाको सुर्नया गाउँपालिका वडा नं ७ का ३७ वर्षिय रघुबिर कुवँर मृत अवस्थामा फेला परेका हुन । गाउँपालिकाको वडा नं ७ रौत गाउँको गोराखला टोल घर भएका कुँवर शुक्रबार विहान वडाको घंराड भन्ने ठाउँमा मृत भेटिएको जिल्ला प्रहरी कार्यालय बैतडीका प्रहरी निरीक्षक प्रहरी प्रवक्ता लोक राज जोशीले जानकारी दिए।
मृत फेला परेका कुवँरको शव पोष्टमार्टमका लागि पाटन प्राथमिक स्वास्थ्य केन्द्रमा राखिएको प्रवक्ता जोशीले बताए । पारिवारिक स्रोतका अनुसार उनि बिहीवार दिउँंसो घरचाहिने सामान किन्नका लागि स्थानीय चौथाली बजार गएका थिए। बिहीवार दिउँसो घरबाट बजार गएका कुवँर आज बिहान मृत अवस्थामा फेला परेका हुन् ।
