धनगढी। धनगढीमा आज सोमबारदेखि प्रहरी अस्पताल सञ्चालनमा आएको छ। धनगढी उपमहानगरपालिकाको वडा नम्बर ३ मा रहेको सुदूरपश्चिम प्रहरी विद्यालयको हाताभित्र उक्त अस्पताल खोलिएको हो। प्रदेश प्रहरी कार्यालयले दीपायलमा सञ्चालन गरेको अस्पतालको शाखा धनगढीमा पनि खुलेको हो।
सर्वसाधारणले समेत सेवा पाउनेगरी अस्पताल सञ्चालन गरेको नेपाल प्रहरीले जनाएको छ। प्रहरीले अस्पतालको सोमाबार नेपाल प्रहरीका महानिरीक्षक धिरज प्रताप सिंहले उद्घाटन गरेका हुन्। अस्पताल उद्घाटन कार्यक्रममा धनगढीका स्थानिय जनप्रतिनिधी लगायत अन्य सरोकारवालाहरुको सहभागिता रहेको थियो।उक्त अस्पतालले आजैबाट सेवा सुचारु गरेको छ । विशेषज्ञसहितको सेवा दिने उदेश्यसहित केही समयपछि शल्यक्रिया सेवा समेत प्रदान गर्ने योजना रहेको जनाइएको छ।
