बाजुरा। जिल्ला प्रहरी कार्यालय बाजुरा नजिकै बम फेला परेको छ। बाजुरा बडिमालिका–९ स्थित दिनेश विकको घर नजिकै शनिवार दिउँसो संकास्पद रुपमा बम फेला परेको हो। बम जस्तै देखीने संकास्पद बस्तु बम रहेको पुष्टि भएको हो। सो बम नेपाली सेनाद्वारा डिस्पोज गरेको छ ।
एक बम डिस्पोज भएको र अर्काे बम नेपाली सेनाको टोलीले डिस्पोज गर्ने तयारीमा रहको जिल्ला प्रहरी कार्यालय बाजुराले जनाएको छ। घटनाको अनुसन्धान भइरहेको र अनुसन्धान पछि मात्र सबै कुरा भन्न सकिने प्रहरीले बताएको छ। जिल्ला प्रहरी कार्यालय बाजुरा नजिकै रहेको दिनेश विकको शौचालयको पछाडि दन्द्धकालको बेलाको पुरानो बम हुन सक्ने जिल्ला प्रहरी कार्यालय बाजुराका प्रमख प्रहरी नायव उपरिक्षक सुर्य थापाले बताएका छन ।
