बैतडी। बैतडीको डिलासैनी गाउँपालीकामा एक छोराले बुवाको हत्या गरेका छन्। बैतडीको डिलासैनी गाउँपालीका ५ सेरामा आज बिहान (शुक्रबार) धारिलो हतियार (बन्चरो) प्रयोग गरेर छोराले आफ्नै बुवाको हत्या गरेका हुन्।
२१ बर्षिय लोकेन्द्र जोशीले आफ्नै ७० बर्षिय बुवा अन्तराम जोशीको हत्या गरेको जिल्ला प्रहरी कार्यालय बैतडीले जनाएको छ। बन्चरो प्रहारले वृद्धको टाउको र शरिर अलग अलग भएको छ। सो घटना आज बिहान ५ बजेतिर भएको जनाइएको छ। भने हत्या गर्ने लोकेन्द्र एक्ला छोरा हुन्। जिल्ला प्रहरी कार्यालय बैतडीका प्रहरी निरीक्षक लोकराज जोशीले लोकेन्द्रलाई नियन्त्रणमा लिएको बताएका छन्। घटनाबारे थप अनुसन्धान भैरहेको उनले जानकारी दिएका छन्।
