कैलाली। काठमाडौँबाट बझाङ आउँदै गरेको बस दुर्घटना भएको छ । बिहीबार बेलुकी ५ः२० बजे काठमाडौँबाट बझाङ आउँदै गरेको ना६ख १३४० नम्बरको बस र भैरहवाबाट काठमाडौँतर्फ जाँदै गरेको लु२ख ३५०२ नम्बरको विङ्गनर गाडी चितवनको इच्छाकामना गाउँपालिका–३ मा एक आपसमा ठोक्किएको हो।
पृथ्वी राजमार्गअन्तर्गत चुम्लिङटारमा एक आपसमा ठक्कर खाँदा १६ जना घाइते भएका छन् । दुबै सवारी साधनमा सवार यात्रुहरूको उपचारका लागि भरतपुरका विभिन्न अस्पतालमा ल्याइएको जिल्ला प्रहरी कार्यालय चितवनले जनाएको छ। कार्यालयका प्रबक्ता नरहरि अधिकारीका अनुसार बस चालक प्रहरीको नियन्त्रणमा रहेका छन् भने विङ्गनरका चालक घाइते भएका छन्। घटनाको थप विवरण आउन बाँकी रहेको अधिकारीले जानकारी दिए ।
