बाजुरा। बाजुराको बडिमालिका नगरपालिका– २ भौनेरामा बुढीगंगा नदीको कटानले चार घर भत्किएका छन् । मंगलबार राति अविरल वर्षासँगै बुढीगंगा नदीमा पानीको बहाब बढेपछि चारवटा घर कटानमा परेका नेपाल पत्रकार महासंघ बाजुराका सहसचिव गंगाराज पण्डितले जानकारी दिए ।
उनका अनुसार गंगराज पण्डित र अम्मराज पण्डितका घर पूर्ण रूपमा बगाएर लगेको र चन्दराज पण्डित र लक्षी पण्डितको घर आधा बगाएको छ । खेत बगाइरहेको खवर पश्चात राति नै स्थानीयको सहयोगमा उनको घरमा रहेका गाई, गोरु र बाख्रा निकाले पनि अन्नपात निकाल्न नभ्याएको अम्मराज पण्डितले बताए । क्षेतीको विबरण के भयो भन्ने बिषयमा प्रहरीको टोली घटना स्थलतर्फ गइरहेको जिल्ला प्रहरी कार्यालय बाजुराका प्रहरी प्रमुख प्रहरी नायव उपरिक्षक सुर्य थापाले बताएका छन । जिल्ला बाट प्रहरीको टोली घटना स्थल पुग्न लागेको प्रहरी प्रमुख थापाको भनाइ रहेको छ ।चार परिवारका २३ जना परिवारको उद्धार गरिएको प्रहरीले जनाएको छ।
