कञ्चनपुर। कञ्चनपुरको भीमदत्तनगरमा लागुऔषधसहित एक युवती पक्राउ परेकी छिन्। बिहीबार जिल्ला प्रहरी कार्यालय कञ्चनपुरबाट खटिएको प्रहरी टोलीले कञ्चनपुरको भीमदत्त नगरपालिका १८ कटानबाट युवतीलाई पक्राउ गरेको हो। भीमदत्त नगरपालिका १८ कटान स्थित आईडिया चोकबाट भीमदत्त २ उल्टाखामकी ३२ वर्षीया मानमति बिकलाई लागुऔषधसहित पक्राउ गरिएको प्रहरीले जनाएको छ।
गोप्य सुचनाको आधारमा खानतलासी गर्दा निजको साथबाट कालो प्लाष्टिकमा लुकाई छिपाई राखेको ९० थान ब्युप्रोफिन एम्पुल, ९४ थान फेर्नागन एम्पुल र २ थान डाईजेल्याप एम्पुल गरी जम्मा १८६ थान लागुऔषध बरामद गरिएको हो। कञ्चनपुर प्रहरीका अनुसार लागुऔषध बरामद गरी उनलाई पक्राउ गरि कानून बमोजिम थप अनुसन्धान भई रहेको जनाएको छ।
