बाजुरा। बाजुरा बुढिगंगा नगरपालिकाको मतगणना शुक्रबार दिउँसो देखि जारी छ। अहिलेसम्म ३६ सय ४८ मतगणना भएको बुढीगंगा नगरपालिका निर्वाचन कार्यालयले जानकारी दिएको छ। बुढिगंगा नगरपालिका वडा न १, ९ र १० को गणना सम्पन्न भएकाेमा अहिले वडा नम्बर २ काे मतगणना भइरहेकाे छ।अहिलेसम्मको मत परिणाम अनुसार एमालेले अग्रता लिएको छ।
बुढिगंगा १ मा एमालेका उम्मेदवार रण बहादुर थापा, बुढिगंगा ९ मा एमालेका उम्मेदवार मिन बहादुर सिंह र बुढिगंगा १० मा नेकपा एमालेकै उम्मेदवार दल बहादुर साउद विजयी भएका छन्। ३६ सय ४८ मत गणनामा एमाले मेयरमा रामबहादुर बानियाँ २१९६ मत ल्याउँदै पहिलो स्थानमा रहेको छ।
कांग्रेस रंगबहादुर खातीले १२३९ मतका साथ दोस्रो स्थानमा छ। यस्तै उपमेयरमा एमालेबाट मायाकुमारी खड्का (कुँवर)ले २१७२ मत ल्याएकी छिन भने कांग्रेसबाट रिता शाही (शाह)ले १२६२ मत पाएकी छिन।यहाँ एमाले र कांग्रसबीच सुरुवाती कडा प्रतिस्पर्धा देखिएको छ। वैशाख ३० गतेको निर्वाचनमा दुवै पक्षले धाँधली गरेको देखिएपछि असार २३ गते फेरि मतदान गरिएको थियो।
