बाजुरा। बाजुराको बुढिगंगा नगरपालिकाको मतगणना जारी छ। अहिलेसम्म १ हजार ९४० मतगणना भएको बुढीगंगा नगरपालिका निर्वाचन कार्यालयले जानकारी दिएको छ।बुढिगंगा नगरपालिका वडा न १ र १० को गणना सम्पन्न भएकाे छ। वडा नम्बर २ र ९ काे मतगणना शुरु हुने भएकाे छ।
मत परिणाम अनुसार एमालेले अग्रता लिएको छ। १९४० मतको गणनामा एमालेले मेयरमा रामबहादुर बानियाँ १०२० मत ल्याउँदै पहिलो स्थानमा रहेको छ। कांग्रेस रंगबहादुर खातीले ८१५ मतका साथ दोस्रो स्थानमा छ। यस्तै उपमेयरमा एमालेबाट मायाकुमारी खड्का कुँवरले ९८७ मत ल्याएकी छिन भने कांग्रेसबाट रिता शाही शाहले ८४३ मत पाएकी छिन। यहाँ एमाले र कांग्रसबीच सुरुवाती कडा प्रतिस्पर्धा देखिएको छ। वैशाख ३० गतेको निर्वाचनमा दुवै पक्षले धाँधली गरेको देखिएपछि असार २३ गते फेरि मतदान गरिएको थियो। शुक्रबार दिउसो देखि मतगणना थालिएको थियो ।
