धनगढी उपमहानगरपालिकाको बजेट असहमतिकै बिच पारित (भिडियो सहित )

स्टेटसेभन संवाददाता

सोमबार, असार २०, २०७९ मा प्रकाशित

धनगढी। धनगढी उपमहानगरपालिकाको बजेट उपप्रमुखसहित नेकपा एमालेको अवरोधकै बिच पारित भएको छ। धनगढी उपमहानगरपालिकाकी उपप्रमुखसहित एमालेबाट निर्वाचित जनप्रतिनिधीको असहमतिमा उपमहानगरपालिकाको आगामी आर्थिक वर्ष २०७९/८० को बजेट पास भएको हो।

सोमबार बसेको आठौं नगर सभाको तेस्रो बैठकमा उपप्रमुख कन्दकला राना सहित एमालेबाट निर्वाचित जनप्रतिनिधीहरुले असहमति जनाउँदा पनि नगर प्रमुख गोपाल हमालले आगामी आर्थिक वर्षको बजेट बहुमतले पास भएको घोषणा गरेका हुन । उपप्रमुख रानाले आफु योजना तर्जुमा संयोजक भएपनि जानकारी नभएको भन्दै बजेटमाथिको छलफल लम्ब्याउन उनले अडान राखेकी थिइन ।

नगर प्रमुख हमालले बजेट पास भएको घोषणा गरेपछि पनि उनले यो निर्णयमा आफनो कुनै सहमति नभएको प्रतिक्रिया दिइन । उपप्रमुख रानाले उपमहानगरपालिकाको वार्षिक कार्यक्रम पुस्तिका विधि र प्रक्रिया विपरित आएको भनेपछि दुईबिच चर्काचर्की भएको थियो । धनगढी उपमहानगरपालिकाले आर्थिक विकासतर्फ १४ करोड ४५ लाख ११ हजार, सामाजिक विकास तर्फ ७४ करोड ७८ लाख ३३ हजार, पूर्वाधार विकास तर्फ ४१ करोड ४१ लाख २७ हजार, सुशासन तथा अन्तर सम्बन्धित क्षेत्रमा ७ करोड ६३ लाख ४३ हजार र कार्यालय सञ्चालमा ४४ करोड ८० लाख बजेट विनियोजन गरेको छ। उपमहानगरपालिकाको नीति तथा कार्यक्रम अनुसार एक अर्ब ८३ करोड ८९ लाखकोब जेट नगर सभामा पेश भएको हो। नगर सभामा एक अर्ब सात करोड २३ लाख चालु तथा ७८ करोड ६६ लाख को पूँजीगत बजेट नगर सभामा पेश भएको थियो। भिडियो हेर्नुहोस यहाँ तल