कैलाली। कैलाली जिल्ला फुटबल संघले केन्द्रीय समितीमा निर्वाचितलाई स्वागत तथा सम्मान गरेको छ। सुदुरपश्चिमबाट नेपाल फुटवलसंघ (एन्फा)को केन्द्रीय सदस्यमा विजयी भएका अनील मल्ललाई स्वागत तथा सम्मान गरेको हो । असार ६ गते भएको अखिल नेपाल फुटबल संघ एन्फाको २१ औँ चुनावी साधारण सभाबाट केन्द्रीय सदस्यमा विजयी भएका थिए ।
केन्द्रीय सदस्य मल्लले सुदुरपश्चिममा फुटबलको गुणात्मक बिकास हुन नसकेको बताउँदै आफनो कार्यकालमा दक्ष खेलाडी उत्पादनमा जोड दिने बताए। कैलाली जिल्ला फुटबल संघका उपाध्यक्ष कुमार बहादुर शाहीको सभाध्यक्षमा सम्पन्न कार्यक्रमको सञ्चालन संघका महासचिब ललित मिश्रले गरेका थिए ।
