डोटी। डोटी जिल्ला स्थित सेती नदीमा एक जनाको शव फेला परेको छ । डोटीको शिखर नगरपालिका ११ तल्लिसात स्थित सेती नदीमा एक जनाको शव फेला परेको छ । शव सडेको अवस्थामा रहेकाले पहिचान हुन नसकेको प्रहरीले बताएको छ।
जिल्ला प्रहरी कार्यालय डोटीका अनुसार शुक्रवार शवलाई स्थानीयले देखेका थिए । शव सडेको अवस्थामा रहेकाले महिलाको हो की पुरुषका भन्ने खुल्न सकेको छैन्। अहिले शव फेला परेको स्थानमा जिल्ला प्रहरी कार्यालय डोटीको टोली खटिएको छ।
शवको पहिचान नखुलेको जिल्ला प्रहरी कार्यालय डोटीका सूचना अधिकारी, प्रहरी नायव उपरीक्षक भोला कुमार भट्टले बताए । सेती नदीले उनलाई बगाएर ल्याएको हुन सक्ने प्रहरीले अनुमान गरेको छ। घटनाबारे थप अनुसन्धान भैरहेको प्रहरीले जनाएको छ।
