काठमाडौँ। अभिनेता राजेश हमालले नेकपा माओवादी केन्द्रका अध्यक्ष पुष्पकमल दाहाललाई भेटेका छन् । शुक्रबार दाहाल निवास खुमलटारमा भएको भेटमा समसामयिक विषय, फिल्म क्षेत्र र राष्ट्रियरअन्तर्राष्ट्रिय राजनीतिबारे छलफल भएको छ ।दाहालसँगको भेटमा हमालले आफूलाई राजनीतिमा रुचि भएको बताएको गायकरसंगीतकार चेतन सापकोटाले जानकारी दिए ।
भेटको चाँजोपाँजो सापकोटाले नै मिलाएका थिए । सुरुमा सामूहिक रूपमा भेटवार्ता भए पनि पछि दाहाल र हमाल एक्लाएक्लै २० मिनेट छलफल गरेका थिए । दुवै जनाको अहिलेसम्म भेट भएको रहेनछ । प्रचण्डले हमाललाई सुरुमै यो देशको बारेमा चिन्तनरबुझाइ के हो भनेर सोध्नुभयो । तपाईंलाई म ४/५ वर्षअगाडि देखि नै भेट्न चाहन्थें,प्रचण्डको भनाई उद्धृत गर्दै सापकोटाले भने,हमालले देशले अपेक्षित प्रगति गर्न सकेन । तर गणतन्त्रपछि दलित महिलाका मुद्दाहरु जुन स्थापित भए त्यसलाई संस्थागत रूपमा अगाडि बढेर समृद्धिको बाटोमा अगाडि बढ्नुपर्छ । राजनीतिक किचलो गर्नुहुँदैन । गणतन्त्रलाई संस्थागत गरेर सबै मिलेर देश विकासको बाटोमा लाग्नुपर्छ भन्नुभयो ।
हमालले राजनीतिमा तत्काल प्रवेश गर्ने नबताए पनि राष्ट्रको सेवाका लागि आफ्नो ठाउँबाट सहयोग गर्ने बताएको सापकोटाले जानकारी दिए । राजनीतिमा आउन सक्दिनँ भन्ने पनि होइन आउन पनि सक्छु म । राजनीतिबाट नै देशको नीति बन्ने हो । मेरो राजनीतिमा घृणा छैन भन्नुभयो, सापकोटाले भने,प्रचण्डले हमाललाई हाम्रो पार्टीमा आउनुस्, टिकट दिन्छु भन्नु भएको होइन ।
