बझाङ। बझाङमा जिप दुर्घटना भएको छ। बझाङको रकैलबाट दुर्गाथली गाउँपालिका–३ तर्फ गइरहेको सु प्र०१००१ ज ४३९९ नम्बरको जिप सडक भन्दा करिब ६० मिटर तल खसेर दुर्घटना चालकसहित ६ जना घाइते भएका छन्।
जिल्ला प्रहरी कार्यालय बझाङका अनुसार दुर्घटनामा परी दुर्गाथली गाउँपालिका–७ का ४० बर्षीय चालक रुपाल जप्रेल, दुर्गाथली गाउँपालिका शिक्षा शाखा संयोजक ४५ बर्षीय ललित कुमार पाण्डे, दुर्गाथली गाउँपालिका–५ का वडा अध्यक्ष ४५ बर्षीय वकिल जप्रेल, दुर्गाथली गाउँपालिका–७ का ५२ वर्षीय उद्धव सिंह, दुर्गाथली गाउँपालिका–४ का ४८ बर्षीय खगेन्द्र मिश्र र दुर्गाथली गाउँपालिका–७ का ४० बर्षीय विष्णु बहादुर दौल्याल घाइते भएका छन्।
घाइतेहरुको हात, खुट्टा, टाउको र कम्मरमा चोट लागेपनि अवस्था सामान्य रहेको घाइते खगेन्द्र मिश्रले बताए। दुर्घटनाको कारण भने खुलेको छैन। घाइतेहरूलाई जिल्ला अस्पताल सिम खेत ल्याउने तयारी भइरहेको बताइएको छ।
