कैलाली। सुदूरपश्चिम प्रदेशको आगामी आर्थिक वर्षको नीति तथा कार्यक्रम आज आइतबार आउने भएको छ। प्रदेश प्रमुख देवराज जोशीले जेठ आज (२२ गते) नीति तथा कार्यक्रम प्रस्तुत गर्ने तयारी गरिएको छ।
अपरान्ह ४ बजे बस्ने प्रदेश सभाको बैठकमा नीति तथा कार्यक्रम पेस गर्ने कार्यसूची रहेको प्रदेश सभा सचिवालयले जानकारी दिएको छ। बजेट ल्याउनु भन्दा १५ दिनअगावै नीति तथा कार्यक्रम ल्याउनुपर्ने कानुनी व्यवस्था भएपनि यस वर्ष समेत ढिला गरि प्रस्तुत हुन लागेको हो। प्रदेश सरकारले असार १ गते अगामी वर्षको बजेट ल्याउनुपर्ने संवैधानिक व्यवस्था छ।
