डोटी। डोटीका एक बालक १० दिन देखि बेपत्ता भएका छन् । डोटीको शिखर नगरपालिका– ७ विष्टैका १४ वर्षीय बालक बिक्रम रावल बेपत्ता भएका हुन् ।
गाउँ नजिकैको खोलामा माछामार्न भनि गएका उनि १० दिन देखि बेपत्ता रहेको उनका दाजु हर्क रावलले जानकारी दिए । बेपत्ता बालकको परिवार तथा गाउँलेले खोजिकार्य जारी राखे पनि हालसम्म भेटाउन सकेका छैनन् ।
बेपत्ता बिक्रम सुस्त मनस्थितिका बालक हुन्। बालकका दाजु रोजगारीको सिलसिलामा भारतमा रहेका छन् । बालक आमासँग बस्दै आएका थिए । बालकको खोजी कार्य गरिदिनहुन बालकका परिवारले अनुरोध गरेका छन् । बालक कतै भेटिएमा प्रहरीमा सम्पर्क गरिदिन हुन समेत परिवारले अनुरोध गरेका छन् ।
