डोटी। बोगटान फुड्सील गाउँपालिकाको अध्यक्षमा नेकपा माओवादी केन्द्र र उपाध्यक्षमा नेपाली कांग्रेस विजयी भएको छ । अध्यक्षमा माओवादीका उमेदवार कमल बहादुर गड्सिला विजयी हुनुभएको हो भने उपाध्यक्षमा नेपाली कांग्रेसका उमेदवार विष्ना देवी बम विजयी हुनुभएको छ ।
अध्यक्ष गड्सिला ३४ मतको अन्तरले विजयी हुनुभएको हो भने उपाध्यक्ष बम ७२ मतको मतान्तरले विजयी हुनु भएको हो ।गड्सिलाले २ हजार ५८ मत प्राप्त गर्दा उनका प्रतिद्वन्द्वी नेकपा एमालेका उमेदवार हस्त बहादुर बुढाले २ हजार २४ मत प्राप्त गर्नुभएको छ । नेपाली कांग्रेसका तर्फबाट गाउँपालिका अध्यक्षका उमेदवार डील बहादुर बमले एक हजार ९ सय ३४ मत प्राप्त गर्नु भयो ।
पाध्यक्षमा कांग्रेस उमेदवार विष्ना देवी बम २ हजार ६३ मत ल्याउँदै विजयी हुनु भएको हो । उहाँका निकटम प्रतिद्वन्द्वी नेकपा एमालेका उमेदवार ज्ञानु मल्ल बमले एक हजार ९ सय ९१ मत प्राप्त गर्नु भयो । अर्का प्रतिद्वन्द्वी नेकपा माओवादी केन्द्रका उमेदवार कलावती कुमारी चिमालले एक हजार ८ सय ७१ मत प्राप्त गर्नु भयो ।बोगटान फुड्सील गाउँपालिकाका ७ वटा वडाहरु मध्य २ वटा वडामा नेकपा एमाले, दुई वटा वडामा नेकपा माओवादी केन्द्रर बाँकी ३ वटा वडाहरुमा कांग्रेस विजयी भएको छ ।बोगटानमा नेकपा माओवादी केन्द्रलाई नेकपा एकीकृत समाजवादीको पनि साथ रहेको छ । २०७४ को निर्वाचनमा गाउँपालिकाका अध्यक्ष सहित माओवादीले ३ वटा वडाहरु, एमालेले जितेको थियो ।
