बैतडी। बैतडीको पञ्चेश्वर गाउँपालिकामा एमाले विजयी भएको छ । सो गाउँपालिकाको अध्यक्षमा एमालेका गोरखबहादुर चन्द र उपाध्यक्षमा बीना भट्ट विजयी भएका छन् । यद्यपि आधिकारिक घोषणा हुन बाँकी रहेको छ ।
२५० मत गणना गर्न बाँकी हुँदा अध्यक्षमा चन्दले १२ सय मतले अग्रता लिईसकेको र उपाध्यक्षमा भट्टले ५ सय मतले अग्रता लिईसकेको हुनाले उनीहरु विजयी हुने सुनिश्चित भएको हो । अध्यक्षमा एमालेका गोरखबहादुर चन्दले ३ हजार ५८४ मत ल्याएका छन् भने नेपाली कांग्रेसका रमेशसिंह भण्डारीले २ हजार ३७९ मत ल्याएका छन् ।
यस्तै उपाध्यक्षमा एमालेका बीना भट्टले २ हजार ८८९ मत ल्याएकी छिन् भने एकीकृत समाजवादीका राजेन्द्र चन्दले २ हजार ३२७ मत ल्याएका छन् ।पञ्चेश्वरका २ वडामा माओवादी केन्द्र, दुई वडामा एमाले र एक वडामा कांग्रेसले जित हात पारेको छ । एक वडाको अन्तिम परिणाम सार्वजनिक हुन बाँकी रहेको छ ।
