डोटी। डोटीमा मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन् । डोटीको दिपायल सिलगढी नगरपालिका–४ सुनगाडा सडक खण्डमा सुप.प्र. ०१००८ प. ६६०५ नम्बरको मोटरसाइकल दुर्घटना भएको प्रहरीले जनाएको छ ।
दुर्घटनामा गम्भिर घाइते दिपायल सिलगढी नगरपालिका–४ सुनगाडाका २४ वर्षीय नवराज कठायतको उपचारका क्रममा मृत्यु भएको इलाका प्रहरी कार्यालय दिपायलका प्रमुख प्रहरी नायव निरीक्षक रूप सिंह थापाले जानकारी दिए । दुर्घटनामा घाइते २४ वर्षीय योगेन्द्र कठायतको शैलेश्वरी अस्पतालमा उपचार भैरहेको प्रहरी नायव निरीक्षक थापाले जानकारी दिए ।
