डोटी। डडेल्धुरामा मोटरसाइकल दुर्घटना हुँदा एकको मृत्यु भएको र अर्का एक घाइते भएका छन्। भीमदत्त राजमार्ग अन्तरगत डडेल्धुराको अमरगढी नगरपालिका–१ ढुनढुनेमा शनिवार दिउँसो मोटरसाइकल दुर्घटना हुँदा डोटीको आदर्श गाउँपालिका–३ का अन्दाजी २५ वर्षीय चक्र भाटको मृत्यु भएको हो। डोटीको आदर्श गाउँपालिका घर भई तराई(धनगढी)तर्फ जाँदै गर्दा मोटरसाइकल दुर्घटना भएको स्थानीयवासीले बताए।
मोटरसाइल चालक सोही ठाँउका ३१ वर्षीय भिमबहादुर घाइते भएको सुदूरपश्चिम प्रदेश ट्राफिक कार्यालय अत्तरियाले जनाएको छ । दिपायलबाट धनगढीतर्फ आइरहेको सुपप्र ०१००९ प १४५४ नम्बरको मोटरसाइल दुर्घटना भएको प्रहरीले जनाएको छ ।
