धनगढी । सुदूरपश्चिमको एक्लो उपमहानगरपालिका धनगढीमा सत्ता गठबन्धनका उम्मेदवारहरुले मनोनयन दर्ता गराएका छन्। नेपाली कांग्रेसबाट धनगढी उपमहानगरपालिकाको मेयरमा नृपबहादुर वड र उपमेयरमा माओवादी केन्द्रकी शान्ति अधिकारीले मनोनयन दर्ता गराएका हुन्।
धनगढीस्थित मुख्य निर्वाचन अधिकृतको कार्यालय पुगेर उनीहरुले मनोनयन दर्ता गरेका हुन्। वड नेपाली काँग्रेसका केन्द्रीय सदस्य तथा धनगढीका निवर्तमान मेयर हुन् भने अधिकारी २०७४ सालको निर्वाचनमा माओवादीबाट उपप्रमुख पदमा पराजित भएकी थिइन्।
