धनगढी। धनगढी उपमहानगरपालिकाको मेयरमा नेकपा एमालेका तर्फबाट तीन जनाको नाम सिफारिस भएको छ । उपमहानगरपालिकाको मेयरका लागि तीन जनाको नाम प्रदेश कमिटीलाई सिफारिस गरिएको हो ।
नगर कमिटीले जिल्लालाई सिफारिस गरेकोमा जिल्लाले प्रदेशलाई सिफारिस गरेको हो । रणबहादुर चन्द, दुर्गा जोशी र जीवन बमको नाम सिफारिस भएको हो । चन्द एमालेका पूर्वजिल्ला उपाध्यक्ष हुन्। जोशी गत निर्वाचनमा मेयरमा पराजित भएका थिए। उनी वर्तमान जिल्ला उपाध्यक्ष हुन् । यस्तै बम प्रदेश सदस्य हुन् । धनगढीको मेयरका लागि अन्य दलले पनि उम्मेदवार टुंगो लगाउन सकेका छैनन् । यही वैशाख ३० गते स्थानीय तहको निर्वाचन हुँदैछ ।
