काठमाडौं। जबरजस्ती करणीको आरोपमा जेल जीवन बिताइरहेका पल शाहले सर्वोत्कृष्ट नायकको अवार्ड पाएका छन् । चलचित्र विकास बोर्डमा आज बाँडिएको बक्स अफिस फिल्म अवार्डमा पल सर्वोत्कृष्ट नायक ठहरिएका हुन् ।

‘म यस्तो गीत गाउँछु २’ बाट पलले सर्वोत्कृष्ट नायकको अवार्ड पाउँदा सोही चलचित्रबाट पूजा शर्मा पनि सर्वोत्कृष्ट नायिका बन्न सफल भइन् । यस्तै, सोही चलचित्रबाट सुदर्शन थापाले सर्वोत्कृष्ट निर्देशकको अवार्ड जितेका छन् । चलचित्रले वर्षकै सफल चलचित्रको अवार्डसमेत जितेको छ । अवार्ड समारोहमा निर्देशक थापा र नायिका पूजा उपस्थित थिए । उनीहरूले पललाई मिस गरेको बताए । जेलमा रहेका पल शाह उपस्थित नरहेकाले उनको अवार्ड पनि पुजाले थापेकी थिइन् । पलसँगै अवार्ड जितेपछि भावुक बन्दै पूजाले लेखिन्- रियल हिरोलाई धेरै मिस गरिरहेँ

म यस्तो गीत गाउँछु २ बाट अवार्ड जितेपछि नायिका पूजा शर्माले भावुक स्टाटस लेखेकी छन् । उनले अवार्ड लिँदा सो चलचित्रका नायक पल शाहलाई औधी मिस गरेको बताएकी छन् । आज वितरण गरिएको बक्स अफिस फिल्म अवार्डमा म यस्तो गीत गाउँछु २ बाट पल शाह सर्वोत्कृष्ट नायक र पूजा शर्मा सर्वोत्कृष्ट नायिका घोषित भएका थिए । सोही चलचित्रबाट सुदर्शन थापाले सर्वोत्कृष्ट निर्देशकको अवार्ड पाए । पलले पाएको अवार्ड भने चलचित्रको निर्मात्रीसमेत रहेकी पूजाले थापेकी थिइन् । अवार्ड लिएको तस्बिर फेसबुकमा पोस्ट गर्दै पूजाले प्रसव पीडामा चिच्याएकी आमा सन्तान जन्माएपछि मुस्कुराएको जस्तै आफू मुस्कुराएको बताएकी छन् । यद्यपि दिल खोलेर हाँस्न नसकेको उनको भनाइ छ । पूजाले आफूहरूले पाएको अवार्ड पललाई समर्पित गरेकी छन् । ‘म यस्तो गीत गाउँछु २’बाट उत्कृष्ट नायकको अवार्ड पल शाहले जित्दै गर्दा मेरो प्यारी साथी र हाम्रो रियल हिरोलाई धेरै मिस गरिरहेँ । पल, तिम्रा लागि यो अवार्ड समर्पित गर्न चाहन्छौँ ।’हेर्नुस् पूजाको स्टाटसः