कैलाली। नेकपा माओवादी केन्द्र गोदावरी नगर कमिटीको आयोजनामा अगुवा कार्यकर्ता प्रशिक्षण कार्यक्रम गरिएको छ। कैलालीको गोदावरीमा गाउँ नगर घरघर जाउँ माओवादी केन्द्रलाई बिजयी गराऔँ भन्ने नारासहित बुधबार कार्यकर्ता प्रशिक्षण कार्यक्रम आयोजना गरिएको हो ।
सो कार्यक्रममा विभिन्न पार्टी परित्याग गरि ३० जना कार्यकर्ता पार्टी प्रवेश गरेको माओवादी केन्द्र गोदावरी नगर कमिटीले जनाएको छ । नेकपा एमाले, काँग्रेस,जनमोर्चालगायतका पार्टिबाट ३० जना पार्टी प्रवेश गरेका हुन्। माओवादी केन्द्रमा प्रवेश गर्नेहरुमा नेकपा एमालेबाट पशुपती कुञ्जेडा, दिपा बडैला, पार्वती नेपाली, पवित्रा भुल,राजेन्द्र कामी, राजु कडारा, खडक बिक, बिजय जैगडी, पबित्रा बुढा, चन्द्रा दमाई, ईश्वार देबी बिक, बासु देबी लुहार, कलावती मल्ल रहेका छन् ।
नेपाली काँग्रेस कृयाशिल सदस्यबाट प्रतिक्षा सञ्जाल, नेपाली काँग्रेस गोदावरी ११ बाट रत्ना बोहरा, बिस्ना थापा, नेपाली काँग्रेसबाट गिता क्षेडाल सरु नेपाली छन्। यस्तै राष्टिय जनमोर्चाबाट गणेश भुल, राप्रपाबाट मौरी बिक,एकीकृत समाजबादीबाट भरत कोली,शेर बहादुर बिक, यस्तै स्वतन्त्रबाट कुसल ताम्राकार सहित ३० जना पार्टी प्रवेशगरेको माओवादी केन्द्र गोदावरी नगर कमिटीले जनाएको छ। पार्टी प्रवेश गर्ने सम्पुर्णमा नेकपा माओवादी केन्द्रले स्वागत तथा बधाई ज्ञापन ब्यक्त गरेको छ।
