कैलाली। सुदूरपश्चिम प्रदेशका आन्तरिक मामिला तथा कानुनमन्त्री पूर्णा जोशीले मुलुकको समग्र परिवर्तनमा सञ्चार जगतले खेलेको भूमिका अविश्रणीय रहेको बताएकी छिन् ।

नेपाल पत्रकार महासङ्घको ६७औँ स्थापना दिवसका अवसरमा नेपाल पत्रकार महासङ्घ प्रदेश समिति र नेपाल पत्रकार महासङ्घ कैलाली शाखाको संयुक्त आयोजनामा आज धनगढीमा आयोजित मैत्रीपूर्ण फुटसल प्रतियोगिताको उद्घाटन कार्यक्रममा उनले नेपालको परिवर्तनका लागि भएका हरेक किसिमका आन्दोलनमा सञ्चार क्षेत्रको सहभागी र अगुवाइ महत्वपूर्ण रहेको बताइन्।

प्रतियोगितालाई सम्बोधन गर्दै प्रदेशको आन्तरिक मामिला तथा कानुनमन्त्री पुर्णा जोशीले स्थापना दिवशको अवसरमा सबैमा शुभकामना समेत व्यक्त गर्दै मुलुकको सर्वाङ्गिण विकासमा पत्रकार तथा सञ्चारक्षेत्रको भूमिका अविष्मरणिय रहेको जोशीको भनाई छ ।“नेपालको संविधान २०७२ संस्थागत विकास गर्न र संविधानको सर्वोच्चतालाई स्थापित गर्नु पर्नेछ”, मन्त्री जोशीले भने, “यो काममा मुलतः मुलुकका राजनितिक दल र सञ्चार क्षेत्र महत्वपूर्ण रुपमा जोडिनुपर्दछ ।” मन्त्री जोशीले राजनीतिक र सञ्चार क्षेत्रमा विसङ्गति भित्रिएकाले यसको शुद्धिकरण, व्यवस्थितकरण र सुशासनका सम्बन्धमा ध्यान केन्द्रित गर्नुपर्ने उल्लेख गरीन्।

‘पछिल्लो समय राजनीतिमा जस्तै पत्रकारिता क्षेत्रमा पनि विसंगतिले जरा गाडेको छ’, उनले भनिन्, ‘यसको शुद्धिकरण र सुशासनका सवालमा पत्रकारको छाता संगठन नेपाल पत्रकार महासंघले पनि ध्यान केन्द्रित गर्नुपर्छ । मैत्रीपूर्ण फुटसल प्रतियोगितामा दुई टिम सहभागि भएका थिए । समुह ‘क’ र समुह ‘ख’ बीच सम्पन्न भएको खेलमा समुह ‘क’ ले ७ गोल गर्दै प्रथम स्थान सुनिश्चित गरेको थियो । त्यस्तै समुह ‘ख’ ४ गोल गर्दै प्रतियोगिताको उपबिजेता बनेको थियो। प्रतियोगिताका विजेता र उपविजेतालाई नेपाल पत्रकार महासंघले ट्रफि समित सम्मान गरेको छ । नेपाल पत्रकार महासंघको ६७ औँ स्थापना  दिवशको अवसर पारेर कैलालीमाअसहाय, मानसिक रोगी तथा अभिभावक बिहिन भएका व्यक्तिहरुको साहरा बनेको मानवसेवा आश्रमलाई महासंघले खाद्यान्न सहयोग गरेको छ । खाद्यान्न हस्तान्तरण गर्दै महासंघका प्रदेश अध्यक्ष योगेश रावलले नागरिकको जिम्मेवारी बहन गर्दै आश्रममा सहयोग गरेको बताए ।

‘महासंघले आफ्नो ६७ औँ स्थापना दिवशको अवसरमा मानव सेवा आश्रमलाई खाद्यान्न सहयोग गरेको हो’, उनले भने, ‘नेपाल पत्रकार महासंघ सदैव सत्यको पक्षमा रहनेछ ।’ त्यस्तै दिवशको अवरमा खाद्यान्न सहयोग गर्दै आफुहरुले पत्रकारिताको धर्म निर्वाह गरेको नेपाल पत्रकार महासंघ कैलालीका अध्यक्ष हिमाल जोशीले बताएका छन् । त्यस्तै स्थापना दिवशकै अवसरमा नेपाल पत्रकार महासंघ सुदूरपश्चिम प्रदेश समिती, कैलाली शाखा र खेलकुद पत्रकार मञ्चको सहकार्यमा मैत्रीपूर्ण फुटसल प्रतियोगिता पनि सम्पन्न गरिएको छ । पत्रकारीता पेशामा आवद्ध जिल्लाका सक्रिय पत्रकारहरुको उपस्थितिमा प्रतियोगिताको आयोजना गरिएको थियो ।