डोटी। डोटीमा बस दुर्घटना भएको छ। डोटीको वडीकेदार १ मा कर्णाली यातायातको ना ४ ख ३६०७ नम्बरको बस दुर्घटना भएको इलाका प्रहरी कार्यालय विपीनगरका प्रहरी निरीक्षक मोहन साउदले जानकारी दिए ।
प्रहरी निरीक्षक साउदका अनुसार डोटीको घाङलबाट कैलालीको जोशीपुरका लागि आउदै गरेको उक्त बस आज बिहान वडा नं १ अलाडी मोहन्याल मन्दिर नजिक दुर्घटनामा परेको हो ।
बस दुर्घटना हुदा चार जना घाइते भएका छन् । प्रहरीका अनुसार बसमा २२ जना सवार थिए । घाइतेहरुलाई उपचारका लागि माया मेट्रो अस्पताल धनगढी पठाईएको पनि प्रहरी निरीक्षक साउदले बताए । घाइतेको अवस्था सामान्य रहेको प्रहरीले जनाएको छ।
