डोटी। डोटीमा घाइते पाटे बाघको बच्चालाई उद्धार गरिएको छ। प्रहरी चौकी वाईल इन्चार्ज विपिन भण्डारीको नेतृत्वमा गएको टोलीले पाटे बाघको बच्चालाई सकुशल उद्धार गरेको हो ।
जिल्लाको के आई सिंह गाउँपालिका ४ वाईल कार्की गाउँमा बच्चा घाइते अवस्थामा फेला परेको थियो । उक्त पाटे बाघको बच्चालाई जिल्ला वन कार्यालय डोटीलाई बुझाएको छ ।
पाटे बाघको बच्चाको शरीरमा घाउसमेत देखिएको बताइएको छ । मानिसले नै घाइते बनाएको वा अन्य वन्यजन्तुले घाइते बनाएको सम्बन्धमा अनुसन्धान भइरहेको प्रहरीले जनाएको छ।
