बैतडी। बैतडीमा चालु आर्थिक बर्षको हालसम्म विभिन्न ठाउँबाट ५१ जना हराएका छन् । चालु आर्थिक बर्षको हालसम्म हराएका ५१ जना मध्ये २५ जना फेला परेकोमा २६ जना अझै बेपत्ता रहेका छन् ।
जिल्ला प्रहरी कार्यालय बैतडीले २६ जना अझै फेला नपरेको जनाएको छ ।चालु आर्थिक बर्षमा ४ जना पुरुष, २८ जना महिला, सात जना बालक र १२ जना बालिका हराएका र ती मध्ये २ जना पुरुष, १५ जना महिला, २ जना बालक र ६ जना बालिका अझै फेला नपरेका जिल्ला प्रहरी कार्यालयका प्रवक्ता प्रहरी दर्शन खड्काले बताए । यस्तै चालु आर्थिक बर्षमा अहिले सम्म विभिन्न ठाउँबाट ६ जना महिला तथा बालबालिकाको उद्धार गरिएको प्रहरीले जनाएको छ ।
