धनगढी । डेढ महिना देखी अवरुद्ध रहेको पाटन एरपोर्टमा समिट एयरले धनगढी पाटन उडान गर्ने भएको छ । पाटन एयरपोर्टमा हुने समिट एयरको उडान पुनः सुचारु हुने भएको हो ।
मौसमको प्रतिकूलताका कारण पौस १६ गतेबाट बन्द भएको उडान फागुन ६ गतेबाट नियमित रुपमा संचालन हुने समिट एयर बैतडीका सम्पर्क ब्यक्ति कृष्ण भट्टले जानकारी दिएका छन्।
प्रत्येक शुक्रबार धनगढीबाट पाटनका लागि विहान १० बजे र पाटनबाट धनगढीका लागि १०ः३० बजे हुने उडान मौसम खराबीका कारण अबरुद्ध भएको थियो । मौसममा केही सुधार आएसंगै नियमित उडान गर्न लागिएको भट्टले जानकारी दिए ।
