धनगढी। धनगढी १६ का अनाथ बालक, बृद्धा,गरिब तथा एकल महिलालाई बलाङकेट वितरण गरेर सहयोग गरिएको छ। चुजी फाउन्डेसन र नेपाल परिवार दलले शनिवार धनगढी उपमहानगरपालिका वडा नम्बर १६ का अनाथ बालबालीका, बृद्धा, गरिब एकल महिलालाई २५ पिस बलाङकेट वितरण गरि सहयोग गरेको हो।
चुजी फाउन्डेसनको सहयोगमा नेपाल परिवार दलको युवा नेता खडक नागरी र सो वडा क्षेत्रका चौधरी समुदायका भलभन्शा सन्तराम चौधरीको पहलमा बलाङकेट वितरण गरिएको छ। नेपाल परिवार दल पार्टीकी सदस्य अन्किता शाह, मारवाणी समाजका समाज सेवी मदन लाल, किसन बिक, नेपाल परिवार दल पार्टीका युवा नेता अरुण नागरीको सहभागीता रहेको थियो ।
धनगढी उपमहानगरपालिका वडा नम्बर १६ का अनाथ बालबालीका, बृद्धा गरिब एकल महिलालाई २५ पिस बलाङकेट वितरण गरिएको युवा नेता खडक नागरीले जानकारी दिए। बलाङकेट वितरण सहयोग कार्यक्रममा धनगढी उपमहानगरपालिका वडा नम्बर १६ क्षेत्रका समाजसेवीको पनि सहभागीता रहेको पिस फोर्सका युवा नेता तथा केन्द्रीय सदस्य अजय जैरुले बताए। स्थानीयहरुले स्थानीय सरकारले अहिलेसम्म कुनै सहयोग नगरेको र परिवार दलले सहयोग गरेकोले आउदो चुनावमा परिवार दललाई सहयोग गर्ने बताएका छन्।
