बाजुरा। बाजुरामा बँदेलको आक्रमणबाट एक जनाको मृत्यु भएको छ। बाजुरा जिल्लाको बुढिनन्दा नगरपालिका वडा नम्बर ३ चोलुका शंकलाल बिष्टका छोरा १५ बर्षिय सुरेन्द्र बिष्टको मृत्यु भएको हो।
सोमबार दिउसो छाप्रा डोरा सामुदायीक बनमा बाख्रा चराउन गएको बेला उनलाई आक्रमण गरेको जिल्ला प्रहरी कार्यालय बाजुराले जनाएको छ ।
बदेलले आक्रमण गरेको खवर पश्चात स्थानीयले उनलाई उपचारका लागि कोल्टी प्राथमकि स्वास्थ्य केन्द्र लैजादै गर्दा बिचबाटामै मृत्यु भएको जिल्ला प्रहरी कार्यालय बाजुराका प्रहरी निरीक्षक धनदेव साउँदले जानकारी दिए। मृतक बिष्टको आज कोल्टी प्राथमिक स्वास्थ्य केन्द्रमा पोष्टमार्टम गरि आफन्तको जिम्मा दिने प्रहरी निरीक्षक साँउदले बताएका छन।
