बझाङ। बझाङमा हिउँमा ट्याक्टर चिप्लिएर दुर्घटना हुँदा सहचालकको मृत्यु भएको छ। बझाङको थलारा गाँउपालिका- ३ धारमा ट्याक्टर दुर्घटना हुँदा १ जनाको मृत्यु भएको हो।
दुर्घटनामा ट्याक्टरका सहचालक थलारा गाँउपालिका- २ का २५ वर्षीय लाल दाहालको घटनास्थलमै मृत्यु भएको जिल्ला प्रहरी कार्यालय बझाङले जनाएको छ। बिहीबार साँझ झनानाबाट बालुवा लिएर दंगाजीतर्फ जाँदै गरेको सुप्रप ०१००२ त ५७२७ नम्बरको ट्याक्टर हिउँमा चिप्लिएर दुर्घटना भएको हो। निरन्तरको हिमपातका कारण उद्धारमा समस्या भएको प्रहरीले बताएको छ।
