डोटी। पुर्वीचौकी गाउँपालिका वडा नम्बर २ भारतोलीका गगन सिंह साउँद (गगु) नामले चिनिने व्यक्ति भारतमा बिगत दुई महिना देखि बेपत्ता भएका छन्।
बर्ष ५५ का गोरो बर्णका उनी कामको सिलसिलामा करिब दुई महिना अगाडि भारतको महाराष्ट्र डौन खड्की भन्ने ठाउँबाट हराएका उनी आज सम्म सम्पर्कमा नआएको परिवारले जनाएको छ । जेनतेन गरि पारिवार पाल्दै आएका उनी नै हराए पछी घरका अरु सदस्य लाई अहिले साझ बिहान छाक टार्न समेत धौ धौ भएको छ।
पारिवारिको आय स्रोत न्युन भएका उनका कारण अहिले उनका घरका सदस्य सोकमा डुबेका छन्। अहिले उनलाई खोजिदिन परिवार हार गुहार गरिरहेका छन्।त्यहाँको स्थानीय प्रहरीमा उनी हराएको सुचना दिएको र सामाजिक संजालमा सुचना सार्वजनिक गरे पनि सम्पर्कमा नआएको परिवारले जनाएको छ। परिवारको अबस्था दयनीय भएकाले गाउँ कै युवा मिलेर उनको परिवारको रोजिरोटीको लागि आर्थिक सहयोग जुटाई रहेका छन्। यसरी विभिन्न माध्यम बाट संकलन गरेका १६ हजार पाँच सउ रुपैया आज घरमै गएर हस्तान्तरण गरेको त्यहाँका स्थानीय पदम सिंह साउदले जानकारी दिनुभयो ।
