काठमाण्डौ। माओवादी केन्द्रका अध्यक्ष पुष्पकमल दाहालाई कोरोना संक्रमण पुष्टि भएको छ । शुक्रबार बेलुकी पीसीआर परीक्षण गर्दा दाहाललाई कोरोना पुष्टि भएको हो ।दाहालले अहिले आफ्नै निवासमा स्वास्थ्य लाभ गरिरहेको र स्वास्थ्य अवस्था सामान्य रहको उनका स्वकीय सचिव रमेश मल्लले बताए ।
डाक्टरको सल्लाह अनुसार आइसोलेशनमा बस्नुपर्ने भएकोले पूर्वनिर्धारित सम्पूर्ण कार्यक्रमहरु स्थगित गरिएको पनि उनले बताए । यस्तै नेकपा माओवादी केन्द्रका नेता नारायणकाजी श्रेष्ठलाई पनि कोरोना संक्रमण भएको छ । श्रेष्ठको पनि पीसीआर परीक्षण गर्दा कोरोना संक्रमण पुष्टि भएको हो । उनी अहिले होम आइसोलेसनमा छन् ।
