कैलाली। कैलालीमा छुट्टाछुट्टै सवारी दुर्घटनामा परी दुई जनाको मृत्यु भएको छ भने तिन घाइते भएका छन्।
कैलालीको लम्कीमा क्रेन र मोटरसाइकल एकआपसमा ठोक्किदा मोटरसाइकल चालक कञ्चनपुरको बेलौरी नगरपालिका ५ का नेघुलाल चोधरीको टीकापुर अस्पतालमा उपचारका क्रममा मृत्यु भएको छ।
पश्चिमबाट पुर्व तर्फ जाँदै गरेको र १क ११३० नम्बरको क्रेन र विपरित दिशाबाट आउँदै गरेको से४प ६०२१ नम्बरको मोटरसाइकल दुर्घटनामा परेको कैलाली प्रहरीले जनाएको छ। दुर्घटनामा पैदल यात्री भुवन सिंह भाट घाइते भएका छन्। यस्तै कैलालीको भजनी नगरपालिका २ मोहनपुरस्थित सडकमा गोरुगाडा पल्टिदा एक महिलाको मृत्यु भएको छ।
सोही ठाउँका शिबप्रसाद चौधरीले चलाइरहेको गोरुगाडा नालीमा पल्टिएर दुर्घटना हुँदा गोरुगाडामा सवार उनकै श्रीमती ३५ वर्षीया चन्द्रा देवी चौधरीको मृत्यु भएको हो। गम्भीर घाइते भएकी उनको प्राथमिक स्वास्थ्य केन्द्र भजनीमा उपचारको क्रममा मृत्यु भएको जिल्ला प्रहरी कार्यालय कैलालीले जनाएको छ। यस्तै आज बुधबार दिउँसो अत्तरियाबाट धनगढी तर्फ आउँदै गरेको से७च ६५६४ नम्बरको मोटरसाइकल बोराडाडी व्यारेक अगाडी दुर्घटना भएको छ। से१क १६३२ नम्बरको मिनी ट्रकलाई ओभरटेक गर्न खोज्दा दुर्घटनामा मोटरसाइकल चालक घाइते भएका छन्। उनलाई उपचारका लागि अस्पताल लगिएको छ । भने घाइतेको परिचय खुल्न बाँकी छ ।
