काठमाण्डौ। नाडा अटो अटोमोबाइल्स एसोसिएशन अफ नेपालको अध्यक्षमा ध्रुव थापा निर्वाचित भएका छन् । गएराति सम्पन्न मत परिणामअनुसार निकटतम प्रतिद्वन्द्वी करण चौधरीलाई ६६ मतले हराउँदै थापा अध्यक्षमा निर्वाचित भएका हुन्।
उनी १४ सय १३ मतका साथ विजयी भएका हुन् । थापाका प्रतिस्पर्धी चौधरीले १३ सय ४७ मत प्राप्त गरे । सदस्यमा थापा प्यानलका ५ जना विजयी भएका छन् । उनको प्यानलबाट निराकर श्रेष्ठ, यमुना श्रेष्ठ, कपिल सिवाकोटी, प्रदीपमान प्रधान र आकाश गोल्छा विजयी भएका हुन् ।
चौधरीको प्यानलका १२ जना सदस्य विजयी भएका छन्। विजयी हुनेमा मिलनबाबु मल्ल, अनुपकुमार मल्ल, राजनबाबु श्रेष्ठ, सुरेन्द्रकुमार उप्रेती, सुनिल रिजाल, अभिक ज्योती, प्रकाश कपुरी, बिक्रम सिंहानिया, गोपाल भट्टराई, निलमणि पाठक, वरदान बस्नेत र पंकज अग्रवाल रहेका छन् ।
