धनगढी। कैलालीमा ट्रकको ठक्करबाट पैदल यात्रीको मृत्यु भएको छ। पूर्वपश्चिम राजमार्ग अन्तर्गत गोदावरी नगरपालिका ८ स्याउले चोकमा अत्तरिया आउँदै गरेको ना ६ ख ५३६६ नम्बरको मालवाहक ट्रकले सोमबार बिहान साढे ३ बजे ठक्कर दिँदा एक जनाको मृत्यु भएको हो।
उनको पहिचान खुलेको छैन। अन्दाजी २५ वर्षीय पुरुषको मृत्यु भएको प्रदेश ट्राफिक प्रहरी कार्यालय अत्तरियाले जनाएको छ।मृतकको पहिचान खुलाउन प्रहरीले आफन्तको खोजी कार्य गरिरहेको छ । ट्रकको ठक्करबाट घाइते उनको उपचारका लागि सेती प्रादेशिक अस्पतालमा ल्याइएपछि मृत्यु भएको हो । घटनापछि ट्रक चालक कपिलवस्तु ९ भर्तापुरका २५ वर्षीय सैलेश नेपालीलाई प्रहरीले नियन्त्रणमा लिएको छ।
