बाजुरा। बाजुरामा जीप दुर्घटना भएको छ। बाजुरा सदरमुकाम मार्तडीमा जीप दुर्घटना हुँदा एक जना गम्भीर घाइते भएका छन् । मार्तडी बजारबाट बाम्का जादैँ गरेको से १ ज ९६० नम्बरको जिप कारागार पछाडी मोडमा दुर्घटना भएको जिल्ला प्रहरी कार्यालय बाजुराले जनाएको छ।
दुर्घटनामा परी जीपका सहचालक सह–चालक बडीमालिका नगरपालिका–१ का २४ वर्षीया भिमबहादुर दानी गम्भीर घाइते भएको जिल्ला प्रहरी कार्यालय बाजुराका प्रहरी निरिक्षक तथा सूचना अधिकारी धनदेव साउँदले जानकारी दिएका छन्।
घाइते दानीको ढाड र टाउँकोमा गम्भीर चोट लगेको छ, उनको जिल्ला अस्पताल बाजुरामा उपचार सम्भव नभएपछि अन्यत्र रिफर गरिएको प्रहरी निरिक्षक साउँदले जानकारी दिए। जिप सडकदेखि करिब २० मिटर तल खसेको प्रहरीले बताएको छ । साँफे–मार्तडी राजमार्गमा पर्ने कारागार नजिकैको घुम्तीबाट दुर्घटना भएको हो । चालकलाई भने घटना स्थलबाटै नियन्त्रणमा लिइएको र दुर्घटना बारेमा थप अनुसन्धान भइरहेको प्रहरीले जनाएको छ ।
